ولد أمور

يا أهلا بالشقاوة

بينى وبينكم أنا وكل ( الموزز ) اللى زيـى بقت عيشتنا صعبة أوى فى مجتمع مليان بكل هذا القدر من التناقضات الغريبة

تلاقى الراجل من دول شيخ وبدقن وبينه وبين نفسه بتاع نسوان وفى شيوخ كتير للأسف مايقدروش يستغنوا عن الحشيش,وكذلك فى رهبان وقساوسة مدمنين جنس

تلاقى الست من دول لابسة الخيمار أو النقاب وعمالة تجيب فى سيرة الناس بالغيبة والنميمة,والشاب الجنتل المحترم اللى ممكن تشوفه بيقوم لواحدة عجوزة فى المترو عشان تقعد مكانه ممكن بعد ما يقوم لها وقبل ما تكمل دعواتها ليه نفاجأ بيه بيسب الدين لصحابه وكلهم عمالين يشتموا فى

بنات كتير أعرفهم بيبصوا للولاد اللى بيعاكسوهم نظرة ضيق واحتقار لكن بينهم وبين نفسهم يقولوا " لو كان معاه عربية كان معلش لكن ده فقير وكحيان " طب وبعدين

أيه آخرة كل ده؟؟

بصراحة أنا واحدة من الناس اللى غرقانين فى التناقض..أخويا أجبرنى على الحجاب بعد وفاة والدى اللى بالمناسبة ترك لنا ثروة كبيرة أوى شجعت أخويا اللى أجبرنى على الحجاب أنه يصرف على الترامادول والحشيش والماريجوانا ويشقط بنات بالعبيط من كل الألوان والأشكال فى عربيته!!

ماما أتجوزت من واحد تانى ومبقتش فاضية لولادها وأخويا هو الآمر الناهى وبيهددنى كل لحظة أنى لو فكرت ألعب بديلى كده ولا كده هيدبحنى رغم كل الخطايا والمحرمات اللى بيرتكبها قدامى على الملأ,دون أى خجل أو حياء

بمجرد ما يغيب عن البيت ويروح شرم أو مارينا رغم إنى بحب ربنا وبخاف منه إلا إن فى شيء جوايا بيدفعنى أنى أنتقم من أخويا اللى قهرنى وأعمل كل اللى فى نفسى..بروح النادى وأنزل بالبكينى,وبنقعد أنا وأصحابى ونشغل كل الأفلام السكس اللى لسه نازلة جديد,ونشرب سجاير

فى بنات كتير أوى بتلبس عريان وواخدة راحتها زيادة عن اللزوم فى الهاف ستوماك والكت والبنتاكورأو الأسترتش لكنهم من جواهم قمة الاحترام ومحدش يعرف ياخد معاهم حق أو باطل..يعنى المسألة مش مسألة لبس زى ما أخويا فاكر

كان نفسى يسيبنى أعمل كل اللى على مزاجى واختار بنفسى بدل ما أنا مكلكعة ومليانة عقد نفسية بتخلينى اعشق الغلط والحرام..قررت أفك عن نفسى وعن الكبت اللى جوايا فى المدونة هنا واتمنى يكون ليا صحاب وصاحبات كتير أحسن من الهبل اللى انا عايشة فيه ده

حابة أنى ما أكونش ع الهامش ومش دريانة بقضايا الوطن ونبض الشارع المطحون..عشان كده هتبرى من المهندسين وعربيتى الجولف وهنزل للشباب الفاهم الواعى..مستنية ارائكم ووجهات نظركم وربنا يكرمنا جميعا يا جدعاااااااااااااااااااااان

احلى سلام لشبابنا المية مية وأشوفكم على خير